ព្រះឆាយាលក្ខណ៍របស់ព្រះមហាក្សត្រត្រូវបានគេដាក់តាំង ដើម្បីអបអរបុណ្យចម្រើនព្រះជន្មរបស់ព្រះអង្គ
RFI/Channa Siv
ព្រះមហាក្សត្រកម្ពុជា សម្តេចព្រះបរមនាថ នរោត្តម សីហមុនី មានព្រះជន្មគម្រប់៥៩ព្រះវស្សា និងឈានចូល៦០ព្រះវស្សាហើយនៅថ្ងៃអាទិត្យនេះ។ ព្រះរាជពិធីបុណ្យចម្រើនព្រះជន្ម ព្រះមហាក្សត្រត្រូវគេប្រារព្ធធ្វើរយៈពេល៣ថ្ងៃនៅទូទាំងប្រទេស។ រយៈពេលបីថ្ងៃនេះក៏ត្រូវបានកំណត់ថាជាថ្ងៃឈប់សម្រាករបស់ជាតិទាំងមូលផងដែរ។
ក៏ដូចជារៀងរាល់ឆ្នាំដែរ ព្រះរាជពិធីចម្រើនព្រះជន្មព្រះមហាក្សត្រត្រូវបានប្រារព្ធធ្វើឡើងដោយស្ងៀមស្ងាត់ ដោយគ្មានពិធីអ្វីធំដុំទេ។ ពិធីនេះត្រូវបានគេប្រារព្ធតាមរយៈការដាក់តាំងលម្អព្រះឆាយាល័ក្ខណ៍របស់ព្រះមហាក្សត្រនៅពីមុខព្រះបរមរាជវាំង ក្រសួងស្ថាប័ន និងទីសាធារណៈនានា។ នៅក្នុងព្រះបរមរាជវាំងក៏គ្មានការប្រារព្ធពិធីអ្វីធំដុំដែរ។ ព្រះអង្គម្ចាស់ ស៊ីសុវត្ថិ ធម្មិកោ ព្រះរាជលេខាផ្ទាល់របស់អតីតព្រះមហាក្សត្រ មិនអាចទាក់ទងបានទេនៅថ្ងៃនេះ ប៉ុន្តែ មន្ត្រីនៃព្រះរាជខុទ្ទកាល័យព្រះមហាក្សត្របានឲ្យដឹងថា ព្រះមហាក្សត្រមិនដែលយកថ្ងៃចម្រើនព្រះជន្មព្រះអង្គទៅប្រារព្ធពិធីអ៊ឹកអធិកអ្វីឡើយ តែព្រះអង្គបានប្រើពេលវេលានេះ ដើម្បីស្តេចយាងចុះសួរសុខទុក្ខ និងប្រទានព្រះរាជអំណោយដល់ជនក្រីក្រនៅតាមទីជនបទនានា។
គួរកត់សម្គាល់ថា ក្នុងរយៈពេល៣ថ្ងៃនេះ ព្រះរាជពិធីចម្រើនព្រះជន្មព្រះមហាក្សត្រត្រូវបានគេកត់សម្គាល់តាមរយៈសារលិខិតថ្វាយព្រះពរពីសំណាក់ឥស្សរជនកំពូលៗ ដូចជាប្រធានព្រឹទ្ធសភា ប្រធានរដ្ឋសភា ប្រមុខរដ្ឋាភិបាល និងមន្ត្រីជាន់ខ្ពស់ផ្សេងទៀត។ លិខិតថ្វាយព្រះពរទាំងនោះត្រូវបានគេផ្សព្វផ្សាយយ៉ាងទូលំទូលាយតាមប្រព័ន្ធផ្សព្វផ្សាយព័ត៌មានដូចជាកាសែត វិទ្យុ និងជាពិសេសតាមកញ្ចក់ទូរទស្សន៍។ ចំណែកប្រជាពលរដ្ឋទូទៅ ក៏ដូចជាមន្ត្រីរាជការ បុគ្គលិក កម្មករផ្សេងៗដែរ បានយកពេលវេលាឈប់សម្រាកនេះដើម្បីធ្វើដំណើរកម្សាន្តទៅតាមបំណងរៀងៗខ្លួន។
ព្រះករុណាសម្តេចព្រះបាទសម្តេចព្រះបរមនាថ នរោត្តម សីហមុនី ទ្រង់ឡើងគ្រងរាជសម្បត្តិជាព្រះមហាក្សត្រកម្ពុជា កាលពីខែតុលាឆ្នាំ២០០៤ បន្ទាប់ពីព្រះរាជបិតារបស់ទ្រង់ គឺសម្តេចឳ នរោត្តម សីហនុ បានប្រកាសដាក់រាជសម្បត្តិ។ ក្រោយការឡើងគ្រងរាជសម្បត្តិ ព្រះអង្គតែងយាងចុះសួរសុខទុក្ខប្រជារាស្ត្រនៅគ្រប់ខេត្តក្រុងទូទាំងប្រទេស។ រយៈពេលបីថ្ងៃនេះ រាជធានីភ្នំពេញមានសភាពស្ងប់ស្ងាត់ជាងធម្មតា ពីព្រោះតែអ្នកទីក្រុងជាច្រើនបានចាកចេញទៅធ្វើដំណើរកម្សាន្តនៅតាមបណ្តាខេត្ត៕
ក៏ដូចជារៀងរាល់ឆ្នាំដែរ ព្រះរាជពិធីចម្រើនព្រះជន្មព្រះមហាក្សត្រត្រូវបានប្រារព្ធធ្វើឡើងដោយស្ងៀមស្ងាត់ ដោយគ្មានពិធីអ្វីធំដុំទេ។ ពិធីនេះត្រូវបានគេប្រារព្ធតាមរយៈការដាក់តាំងលម្អព្រះឆាយាល័ក្ខណ៍របស់ព្រះមហាក្សត្រនៅពីមុខព្រះបរមរាជវាំង ក្រសួងស្ថាប័ន និងទីសាធារណៈនានា។ នៅក្នុងព្រះបរមរាជវាំងក៏គ្មានការប្រារព្ធពិធីអ្វីធំដុំដែរ។ ព្រះអង្គម្ចាស់ ស៊ីសុវត្ថិ ធម្មិកោ ព្រះរាជលេខាផ្ទាល់របស់អតីតព្រះមហាក្សត្រ មិនអាចទាក់ទងបានទេនៅថ្ងៃនេះ ប៉ុន្តែ មន្ត្រីនៃព្រះរាជខុទ្ទកាល័យព្រះមហាក្សត្របានឲ្យដឹងថា ព្រះមហាក្សត្រមិនដែលយកថ្ងៃចម្រើនព្រះជន្មព្រះអង្គទៅប្រារព្ធពិធីអ៊ឹកអធិកអ្វីឡើយ តែព្រះអង្គបានប្រើពេលវេលានេះ ដើម្បីស្តេចយាងចុះសួរសុខទុក្ខ និងប្រទានព្រះរាជអំណោយដល់ជនក្រីក្រនៅតាមទីជនបទនានា។
គួរកត់សម្គាល់ថា ក្នុងរយៈពេល៣ថ្ងៃនេះ ព្រះរាជពិធីចម្រើនព្រះជន្មព្រះមហាក្សត្រត្រូវបានគេកត់សម្គាល់តាមរយៈសារលិខិតថ្វាយព្រះពរពីសំណាក់ឥស្សរជនកំពូលៗ ដូចជាប្រធានព្រឹទ្ធសភា ប្រធានរដ្ឋសភា ប្រមុខរដ្ឋាភិបាល និងមន្ត្រីជាន់ខ្ពស់ផ្សេងទៀត។ លិខិតថ្វាយព្រះពរទាំងនោះត្រូវបានគេផ្សព្វផ្សាយយ៉ាងទូលំទូលាយតាមប្រព័ន្ធផ្សព្វផ្សាយព័ត៌មានដូចជាកាសែត វិទ្យុ និងជាពិសេសតាមកញ្ចក់ទូរទស្សន៍។ ចំណែកប្រជាពលរដ្ឋទូទៅ ក៏ដូចជាមន្ត្រីរាជការ បុគ្គលិក កម្មករផ្សេងៗដែរ បានយកពេលវេលាឈប់សម្រាកនេះដើម្បីធ្វើដំណើរកម្សាន្តទៅតាមបំណងរៀងៗខ្លួន។
ព្រះករុណាសម្តេចព្រះបាទសម្តេចព្រះបរមនាថ នរោត្តម សីហមុនី ទ្រង់ឡើងគ្រងរាជសម្បត្តិជាព្រះមហាក្សត្រកម្ពុជា កាលពីខែតុលាឆ្នាំ២០០៤ បន្ទាប់ពីព្រះរាជបិតារបស់ទ្រង់ គឺសម្តេចឳ នរោត្តម សីហនុ បានប្រកាសដាក់រាជសម្បត្តិ។ ក្រោយការឡើងគ្រងរាជសម្បត្តិ ព្រះអង្គតែងយាងចុះសួរសុខទុក្ខប្រជារាស្ត្រនៅគ្រប់ខេត្តក្រុងទូទាំងប្រទេស។ រយៈពេលបីថ្ងៃនេះ រាជធានីភ្នំពេញមានសភាពស្ងប់ស្ងាត់ជាងធម្មតា ពីព្រោះតែអ្នកទីក្រុងជាច្រើនបានចាកចេញទៅធ្វើដំណើរកម្សាន្តនៅតាមបណ្តាខេត្ត៕
0 comments:
Post a Comment